Serekê rûmetî yê Konfederasyonê Yewîyanê Elewîyan ê Ewropa (AABK) û parlamenterê Partîya Demokratîke ya Şaran (HDP) yê dewrê 25. Turgut Okero ke bi îdîaya heqeretkerdişê vera serekkomarî yeno hukmkerdene roniştişê diyîn ê dewaya ci ame kerdene.

Roniştişo ke Mehkemeya Cezaya Bingeyêne ya 25. ya Îstanbulî de ame kerdene partlamenterê HDP û CHPyî, hunermendî û temsîlkarê dezgehanê elewîyan tewrê ci bîyî. Okerî ard ziwan ke komelê elewîyan destûr nêdano ke erjê elewîtîye bêrê hukmkerdene û vat şima eşkenêmi hukm bikerê la nêeşkenê elewîteye hukm bikerê. Mehkeme 4ê nîsane rê ameye pey de eştene. Badê roniştişî eşkerayîyêke ameye dayene. Partlamenterê HDPyî Kemal Bulbulî vat na dewa têna vera Okerî û elewîtîye nê vera kurdan û demokratan zî ameye akerdene.