Wekîla HDPyî Semra Guzel wexto ke sewê Edlîyeya Ceza ya Sulhî ya Anqara ameye kerdene tepişîyaye.

Serekwekîlê Koma HDPyî Saruhan Oluçî verê Edlîye de ke Semra Guzel tede tepişîyayêne eşkerayîye daye. Wekîla HDPyî Zuleyha Gulum, Hemvervatoxê HDKyî Cengîz Çîçek û wekîlê Semra Guzel zî tewrê eşkerayîye bîyî.

Oluçî dîyar kerd ke înan Semra Guzel dîya û moralê aye hol bibi. Oluçî vist vîrî ke dîmenê destbendbîyayîşê Guzele pêşkêşê medyaya îqtîdarî kerda û senarîstê nê şovî zî Wezîrê Karanê Zereyî yo. Oluçî vat: ''Soyluyî kamera amade kerda û erk dayo memûran, plan kerdêne ke Semra Guzel çok şora erdî ro. La Guzel çok nêşîye erdî ro. Ê do emrê xo de nêvînê ke kurdî çok şorê erdî ro.''

Avûkatê Semra Guzel Veysî Eskîyî zî ard ziwan ke bi şovî muwekîla ey rê îşkence ameyo kerdene û vat: ''Dîmenî hetê Wezîrê Karanê Zereyî ra ameyê servîskerdene. Ma do gerreyê ney bikerê. Îfade de sûcdarîyanê fezlekeyî ra ber persî zî ameyê perskerdene. Ma îtîrazê ney kerd la dozgerî îtîrazê ma qebul nêkerd.''