Serekwekîlê Gruba HDPyî Saruhan Oluçî meclîs de eşkerayîya çapemenîye daye û rojdem ercna.

Oluçî seba kesanê ke edlerzê Wanî de merdî serweşîye û seba birîndaran zî şîfa waşte û vat: ''Senî ke erdlerzê Xarpêtî de destûr nêdîya hetkarîya ma eynî çî Wan de zî bi. Çîyo winayên nîno qebûlkerdene.

Hewteyo ravêrte ma kongreya xo girde viraşte. Seke şima hemeyan zî dî kongreyêka biheybet bî. Pêro prosedorê ma zî temam bî. Dozgerîye nêzana senî ma sûcdar bikerê tenîkkarê fîrmayo ke ma pêkerdbi destbend kerdî. Dozgerî serekanê partîyan ra ferman gênê.

Bado ke kongreya ma ameye kerdene heme kanalan de derheqê ma de qisey kenê. Bê HDPyî derheqê ci de qisey kenê. No goreyê ehleqê sîyasetî û çapemenîye nîyo. Ma tîya ra veng danê, vanê hodrî meydan ma vecê televîzyonan ma qisey bikerê.

Seba ke ma neheqîye bêhuquqîye ke Tirkîya rexne kenê vanê şima gerreyê ma kenê. No gerre nîyo, ma îxlalkerdişê heqan ê îqtîdarî rexne kenê û ma do naye rê dewam bikerê. Ma do Konseya Ewropa de zî bîyarê ziwan û muracatê Mehkemeya Heqanê Merdiman ê Ewopa (MHME) zî bikerê. Wexto ke şima muracatê MHME kenê meşrû yo la wexto ke ma bêhuqûqîyanê şima kireşenê MHME xelet o?

Heta ewro senî ke ma persayî, ma ewro ra tepîya zî persayîş rê dewam kenê. Çi gureyê nê îqtîdarî Îdlîbî de esto? Gureyê Tirkîya zî îqtîdarî zî çîn o.  Gureyê nê îqtîdarî Efrîn de, Rojawan de zî û Lîbya de zî çîn o. Hukmat semedê pawitişê îqtîdarê xo gaman erzeno. Herra şarî de çî gureyê şima esto?''