Amadekarîyê seba kongreya HDPyî dewam kenê ke 23ê sibate de do bêra kerdene. Serekwekîlê Gruba HDPyî Saruhan Oluçî ANFyî reyde qisey kerd.

Oluçî da zanayene ke bi rayîrê konferansan înan hetêkî ra rêxistinê xo yê şaristanî û qezayan awan kerdî û hetêkê bînî ra zî polîtîkayê partîyî ameyî muneqeşakerdene.

Oluçî ard ziwan ke ê nê prosesî sey prosesê çareserkerdişê meseleyanê xo vînenê û kongreya xo reyde nê prosesî bivisnê dewre.

Oluçî vat: ''Ma do bikerê ke hêzê haştîye, azadîye, edaletî û demokrasîyî pîya kom bibê. Na rewşe weçînayîşî ra dima zî wina do dewam bikerê.''

Oluçî derheqê tecrîdê vera Rayberê Şarê Kurdî Abdullah Ocalanî de zî vat: ''Babeta tecrîdî seba ma zaf girîng a. Ma tecrîd sey vera merdimîye vînenê. Mumkîn nîyo ke ma tecrîd qebul bikerê. No tecrîd heman wextî de vera şarê kurdan o. Tecrîd têna meseleya kurdan nîya. Eke vera tecrîdî têkoşîn nêro kerdene bêedaletî û bêdemokrasî do vila bibê. Ma do tecrîd qet rojdemê xo ra nêvejê.''