Bajaranê Kurdîstan û Tirkiya de nêmeya şewe de sereştişê  keyeyan de 90 kesî ameyî tepiştene.

Amede saetanê şewe de bi wesayîtanê zirxinan polîsan eşte xeylê keyayan ser. Xeylê banan de berî şikîtî û wina kewtî zere. Sereştişê polîsan de rojnameger Abdurrahman Gok û Kîbrîye Evrene û hemserekê HDPyî yê bajarî Mehmeh Şerîf Camçi ya pîya  100  ra zêdîyêr kesî ameyî tepiştene

Çarçeweya eynî operasyonî de Stenbolî de zî rojnamegere Semîha Alankuşe  ameye tepiştene.

Heto bîn ra verê banê HDPyî yê Amedî de wesayîtê zirxin û TOMAyî pawenî.

XEYLÊ TEPIŞTEYÎ ESTÎ

Wezîrîya Kara Zerrî ya Tirkî da eşnawitişê ke Amed de 80, Stenbol de 3,Wan de 2, Şirnex de 1, Riha de 1, Êlîh de 1, Mersîn de 1 pero pîya 8 bajaran de 90 kesî ameyî tepiştene.