Operasyonê sîyasî yê qirkerdişî: Tewr tayî 49 kesî tepişyayî!

Operayonê sîyasî yê qirkerdişî yê vera HDPyî de ewro tewr tayî 49 kesî ameyî tepiştene.

Çarçeweya operasyonanê sîyasî yê qirkerdişî de 6 bajaran de eynî waxte de seretştişê keyeyan ame viraştene. Operasyonan de tewr tayî 49 kesî ameyî tepiştene.

ELÎH

Elîh de saetanê nêzdîye sibayî de polîsan eşt xeylê keyeyan ser. Polîsan keyeyî ser û bin kerdî û hemserekê HDPyî yê bajarî Nîzametîn Toguçî ya pîya 8 kesî tepiştî.

RIHA

Qezaya Halîlîye ya Riha de sereştişê keyayan de îdarekaranê HDPyî yê bajarî ra Mahmut Kiliç ame tepiştene. Seretşişê keyeyî de polîsan dest na xeylê çêk-çola taybetî yê keyeyî ser o.

Reyna qeza de mehlayê Karamezra de zî seretşişê keyeyan de genco bi nameyê Resul Şeker bi îdîayê parekerdişê medyaya sosyalî ame tepiştene.

ANQARA

Anqara de zî Ethem Sarisuluk ke wextê têkoşînê Gezî de hetê polîsan ra qetil bibi, polîsan eştê keyeyê ci ser. Goreyê zanayişan Mustafa Sarulukukî Almanya de yo, polîsî gêrenî ey.

Çarçeweyê operasyonî de Asli Bayramoglu û Heval Elçî zî ameyî tepiştene.

WEZÎRÎYE RA EŞKERAYÎYE

Wezîrîya Karê Zereyî yê Tirkî bi eşkrayîyeka da eşnawitişe ke operesyonê Elîhî de hemserekê HDPyî yê bajarî Nîzametîn Toguçî ya pîya 8, Agirî de 25, Mûş de 1, Mêrdîn de 1, Riha de 9 pero pîya 49 kesî ameyî tepiştene.