Bîn şewe Kampa Multecîyan a Demkî ya bajarekê Cevdetiye yê Osmanîye ra yew qefleyê multecîyan ê sûrîyeyij, afganij û pakîstanijî xo telan ra eşt teber.

Dîmenê ke medyaya sanale de vila bîyî de vengê gulena yeno ke leşkerî kenê multecîyanê ke remayî ser ra. Dîmenan de bedenê multecîyanê ke nêno famkerdene ke merde ya zî birîndar ê yenê vînayene. Dîmenan de yeno vînayene qefleyê multecîyan kuçeyan de vaz dano û tay nîjadperestî bi çekan hêrişê înan kenê.

Dîya zanayene ke saba ke şerte kampe zaf xirab ê multecîyî remayî.  Hêrişan de xeylêk multecîyî ameyî tepiştene, nêame zanayene ke merde est ê ya nê.

Walîtîya Osmanîye da zanayene  35 xerîban xo serê telan ra eşt û fîrar kerd û dima ra heme hetê cedirmeyan ra ameyî tepiştene.