Hemvervatoxa Komîsyonê Huqûq û Heqanê Merdiman ê HDPyî Nuraye Ozdogan derheqê blokekerdişê hetkarîya xezîne ya seba HDPyî de merkezê partîya xo de kombîyayîşê çapemenîye de qisey kerd.

Ozdogane îfade kerd ke na bira Mehkemeya Qanûnê Bingeyî sey birêka reşe derbazê tarîxî bîya û Meehkemeya Dozgerîye verî wextê dewaya qefilnayîşê HDPyî de waştişê blokekerdişî red kerdbi.

Ozdogane ard ziwan ke no blokekerdiş parçeyê operasyon û hêrişanê vera HDPyî yo û warê huqûqî de yew biingeyê ci çin o. Ozdogane vat: ''Dewaya qefilnayîşê HDPyî û prosesê dima ci bi mudaxeleyanê sîyasîyan yenê îdarekerdene. Mehkemeya Qanûnê Bingeyî bi na bire bîya şirîka kampanyaya weçînayîşî ya faşîzmê AKP-MHPyî. Bi her hawayî hêriş û tedayê vera partîya ma dewam kenê. Ma qetî na bire nêşinasnenê.''

Ozdogane pare kerd ke bira Mehkemeya Qanûnê Bingeyî sîyasî ya û Tirkîya de mewzuatêko winayên çin o ke na bire bida.