Mabenê Fermandarê Pêroyî yê  Hêzanê Sûrîyeya Demokratîke (QSD) Mazlûm Ebdî û serekê hukmatê demdemî yê Sûrîye Rayberê Heyet Tahrir Şamî (HTŞ) Ebu Muhammed Colanî (Ahmed Şara) de pêvînayîş ame kerdene.

Mabênê Ebdî  û Colanî de netîceya pêvînayîşî de xususanê cêrînan de mutabakat ame îmzakerdene:

1 – Prosesê sîyasîyî û dezgehanê dewlete de çarçewaya selahîyat û berpirsîyarîye de heqê temsîlkerdiş û tewrbîyayîşî yê pêroyê sûrîyeyîjan gerîyenê binê garantî.

2-  Komelê kurdan komelo cayî yê dewleta Sûrîye yo û dewleta Sûrîye heqanê ci yê hemwelatîye û heme heqanê ci yê qanûnê bingeyî geno binê garantî.

3- Heme herra Sûrîye de  caardişê adirbirnayîşî.

4- Vakur û Rojhaletê Sûrîye de heme dezgehê sivîl û leşkerî, berê sînorî, meydanê teyarayan, warê petrol û gazê xozayî zî tede do dewleta Sûrîye rê bêrê entegrekerdene.

5- Heme sûrîyeyijê ke erdê xo ra bîyî do agêrê dewe û bajaranê xo û hetê dewleta Sûrîye ra bêrê pawitene.

6- Têkoşînê dewleta Sûrîye yê vera vermendeyanê Esadî û tehdîtanê vera asayîş û yewîya ci do bêro paştayene.

7- Ma pêro vengdayîşê nefretî  û cehdkerdişê vilakerdişê fîtneyî yê mabenê pabesteyanê komelê Sûrîye red kenê.

8- Komîteyê Rayberdişî seba ke pêkertiş tewr erey heta peynîya serre bêro caardene xebatî do bêrê domnayene.