Merkezê Îrtîbatî û Çapemenîye yê HPGyî nasnameyê hîrê şehîdan eşkera kerdî.

Eşkerayîye wina ya:

‘’25ê teşrîna peyêne ya 2019î de hêrişê dişmenî yê vera Herêmanê Pawitişî yê Medya de embazê ma Cîhane, Sarya û Ozgur şehîd bîyî. Ma nînan bi rêz, minet û hesrete yad kenê. Ma embazanê xo bi rêz û minetî yad kenê. Ma do vîrameyîşanê embazan Cîhane, Sarya û Ozgur tim bipawê û têkoşînê xo rê bikerê beyraq.

Embazanê ma Cîhane, Sarya û Ozgurî vera dişmenî bi fedayîtî şer kerd û tarîxê azadîya şarê ma de cayê xo girewt, ê bîyî bêmerg. Ma sere de keyeyanê embazanê xo yê ercîyayeyan rê pêro şarê Kurdîstanî yê welatperwerî rê serweşîye wazenê. Ma soz danê ke xeta şehîdanê xo bipawê.

Nasnameyê embazanê ma wina yê:

Embaza ma Cîhane Şingal de dadîya xo ra bena. A bena şahîda jenosîdo ke 2014 de hetê DAÎŞî ra yeno kerdene. A babî û waya xo reyde 2016 de refanê xoverdayîşî de cagêna. A 2018 de zî verê xo dana koyan û bena gerîla. A cade adapteya koyan bena û xeta şehîdan de têkoşîn kena. Embaza ma heta şehadetê xo sey cinîyêka êzidîye xoverdayîşî ra fek vera nêdana.

Embaz ma Sarya Amed de dadîya xo ra bena. A Xoverdayîşê Kobanê ra dima 2014 de verê xo dana koyan û bena gerîla. A Herêmanê Pawitişî yê Medya de perwerde vînena. Embaza ma Sarya wextêkê kilmî de bena gerîlayêka YJA-Starî ya marîfetîne. Embaza ma Sarya bi qerardarî û îdîa têkoşînê xo yê azadîye lewe de qedînena.

Embaza ma Ozgur Serged de dadîya xo ra beno. O hêverî xebatanê ciwanan de cagêno û dima 2014 de verê xo dano koyan. O Vakur de perwerde vîneno û dima derbazê Herêmanê Pawitişî yê Medya keno. O vera çeteyanê DAÎŞî şer keno û dima ancî verê xo dano koyan. Embazê ma tim bi cesaret û moralî beno çimeyê îlhamî. O nameyê xo tarîxê azadîye ser de nuseno.’’