Hemsereka Rayberdişî ya KCKyî derheqê hêrişê vera elewîyan ke Sûrîye de yeno kerdene, eşkerayîya nuştekîye daye û nê vatî:

''Sûrîye de cayê ke şarê elewîyan tede zaf o hewteyêk o vera elewîyan hêrişî zêdîyeyî û bi desan kesan dinyaya xo bedilnaye. Dîmenê ke medya de ameyî parekerdene mojnenê ke senî qirkerdişo wehşî yeno kerdene. Ma nê qirkerdişê vera elewîyan bişîdetî şermezar kenê. Sere de elewîyî ma şaranê Sûrîye rê serweşîye wazenê. Ma rîyê na rewşe ra zaf qehrîyayî. Ma reyna vanê ke şarê kurdî Sûrîye de paştî dano pêro şaran.

Ma aşma bimbareke ya muslumanan de yê. Aşma Remezan de rişnayîşê gonî qedexe yo. No qirkerdiş semedê merdimîye û bi nameyê muslumanan û îslamî dejo gird o. No sûcê merdimîye yo gird o û gune yo. Ê ke vanê îslamî esas genê qirkerdişê winayênî kenê. Çîyo winayên nîno qebulkerdene. Hem vanê ê îslamî esas genê hem zî qirkerdiş kenê û aşma Remezan de gonî rişnenê. Na aşma bimbareke de şertê esasî yê îslamî nêanê ca. No zî mojneno ke no xapînayîş o. Nê hetî ra gerek her kesî ra ver muslumanî vera nê qirkerdişê teberê merdimîye vejîyê.

Seba ke no qirkerdiş hetê îdareyê Şamî ra ame kerdene no semedê ameyoxê Sûrîye beno sebebê qesawetî. Na rewşe mojnena ke Sûrîye û şarê Sûrîye senî bi tehlukeyêkî rî bi rî yê.  Gerek her kes nê tehlukeyî bivîno û vera ci tewir bigîro. Bêvengîya hêzanê ke rixmo ke zanayêne zîhnîyet û pratîkê HTŞyî senîn o, paştî daye ci û meşrû kerd, nîna qebulkerdene.

Şarê Sûrîye binê tehdîtê qirkerdişî de yê. Gerek paştî nêdîyo nê zîhnîyetî. Kam ke paştî daye nê zîhnîyetî û meşrû kerd hemkarê nê qirkerdişî yo. Gerek her kes vera qirkerdişî tewir bigîro. Reyna vejîye werte ke Sûrîye û Rojhelatê Mîyanênî de rayîro tewr raşt ê haştîye sîstemê netewa demokratîke yo ke hetê Rayber Apoyî ra ame averberdene.''