Hetkara Serekê Pêroyî yê PÎA Menîce Rumeysa Gulmez ANFyî rê qisey kerd. 

Menîce Rumeysa Gulmez ard ziwan ke îqtîdarê AKPyî 22 serrî yo dînê Îslamî şuxilneno û bazirganîya dînî keno. Gulmeze da zanayene ke AKP herinda caardişê Îslamî de qanûnanê Emewîyan ferzê şarî keno. 

Gulmeze vat: ''Yew eleqeyê AKPyî bi Îslamî çin o. AKP dînî îstîsmar keno. AKP misilmanan bi rayîrê Îslamî xapîneno. Ganî merdimî çarçewa edalet, huqûq û wijdanî de bêrê îdarekerdene. La ke AKP 22 serrî yo bi şuxilnayîşê Îslamî xîret keno ke îqtîdarê xo rê dewam bikero. Saddam Huseyînî sey AKPyî Îslam sey hacetêkî şuxilnayêne.''

Gulmeze DAÎŞî ra heta AKPyî bale ante mîsalanê şuxilîyayîşê dînî ser û vat: ''Polîtîkayê ke şaranê herême rê yenê pêşkerdene dîyar ê. Nê zî mojnenê ke şar bi rayîrê Îslamî senî manîpule beno. Nê welatî rê haştîye, edalet û huqûq lazim ê. Ganî no welat şeran ra bixelisîyo. Ganî ma îtaetê Muawîye û Yezîdî nêkerê. Ganî ma vera dîktatoran sere wedarnê. Sey ê şaranê ke dest nîyayo heqê înan ser, ma do vera îşxalkeran û zaliman tim xo ver bidê.''