18ê teşrîna peyêne de do semedê azadîya Rayberê Şarê Kurdî Abdullah Ocalanî  serkêşîya TUHAY-DER  û MEBYA-DERî de Rayraşîyayîşê Gemlîkî bêro kerdene.

Qezaya Panosî ya Agirî de çarçewaya Rayraşîyayîşê Gemlîkî de kombîyayîşê şarî ame kerdene. Kombîyayîşo ke Merkezê Kultur û Hunerî yê Sehatî de ame kerdene, Wekîlê HEDEPî yê Agirî Sirri Sakik û xeylêk temsîlkarê rêxistinanê komelê sîvîlî tewrê ci bîyî.

Hemsereka MEBYA-DERî Hanime Kaya  vat, "Ma pêro nê têkoşînî rê zaf çî deyndar ê.  Ganî ma wayîrê Birêz Abdullah Ocalanî bivejê ke binê tecrîdê giranî de yo. Nê semedî ra ma do 18ê teşrîna peyêne de ver bi Gemlîkî rayra şirê.  Ganî heme keyeyê ma bi hewayêkê hêzdarî tewrê çalakîye bibê. Ma bi vatişê 'Azadîya komelî azadîya Ocalanî ya' vejîyê waran."

Hemserekê TUHAY-DERî Çetin Uyrarî zî vizt vîrî ke Abdullah Oclaan 25 serrî yo binê tecrîdê giranî de yo û vat, "Heta ke Birêz Ocalan azad mebo  ma rê roniştiş, kewtiş herem o. 18ê teşrîna verêne roja haştîye û azadîye ya.  Ma xebetanê hêzdaran bikerê û bi mîlyonan Gemlik te bêrê têhet."

Dayîka Haştîye Guneşe Tozan zî vat, “Lajê mi zîndan de yo, rixmo ke cezaya ci qedîyaya tehlîye nêbeno. Ma nê tewiran qebul mekerê, nê  zulmî qebul mekerê.”

Hemserekê HEDEPî yê Panosî Ahmet Egeyî zî tecrîd sey sûcê merdimîye name kerde û veng da ke wa heme hetî vera tecrîdî vengê xo berz bikerê.