Paris de ciwananê kurdan çalakîya bêîteatîya sîvîle kerde
Ciwananê kurdan Meydanê Teyarayan ê Charles de Gaulle yê Parisî de bi çalakîya bêîteatîya sîvîle polîtîkayê tecrîdî yê dewleta tirke protesto kerdî.
Endamanê Têgêrayîşê Ciwanan ê Şorişgêran (TCŞ) paytextê Fransa Paris de Meydanê Teyarayan ê Charles de Gaulle de çalakîya bêîteatîya sîvîle kerde.
Ciwanan nizdê 40 deqayan berê firdayîşî yê Îstanbulî bloke kerd û bale ante tecrîdê vera Rayberê Şarê Kurdî Abdullah Ocalanî ser. Ciwanan vat heta pêvînayîşê bi Abdullah Ocalanî do çalakîyê înan dewam bikerê. Ciwanan çalakîya xo bi slogana “Bê Serok jiyan nabe” qedînaye.
