Paytextê Fransa Paris de ewro verê Merkezê Kulturê Kurdan ke qirkerdişê 23ê kanûne ame kerdene ra heta Merkezê Enformasyonî yê Kurdîstanî yo ke qirkerdişê 9ê çeleyî amebi  kerdene, rayraşîyayîş do bêro kerdene.

Komelê Demokratîkî yê Kurdan ê Fransa (CDK-F) seba yadkerdişê Emîne Kara (Evîne Goyî), hunermend  Mîr Perwer (M. Şîrîn Aydin) û welatperwer Abdurrahman Kizil ewro 26ê kanûne de rayraşîyayîşêk do bikero. 

CDK-Fyî bi eşkerayîyêke venga her kesî da ke wa tewrê rayraşîyayîşî bibo. Eşkerayîye de ame vatene ke qirkerdişo ke ajanêkê îstîxbaratê tirkan 10 serrî verî Paris de kerdbi, bêceza verdîyabi û vat: ''Seba yadkerdişê ê kesanê ke ameyê qetilkerdene û seba şermezarkerdişê bêcezaverdayîşî ma venga her kesî danê ke tewrê rayraşîyayîşî bibo.''

Rayraşîyayîş ewro saete 12.00 de verê Merkezê Kulturê Kurdan ê Ahmet Kayayî de, 16 rue d'Enghien a li Paris de do dest pêbikero û heta adresê 147 rue La Fayette dewam bikero ke 3 cinîyê kurdî 10 serrî verî tede ameybî qetilkerdene.