Parîs û Munster de pîrozkerdişê PKKyî
Parîs û Munster de serragêrayîşê ronayîşê PKKyî ame pîrozkerdene. Aktîvîteyan de mesajê wedartişê tecrîdî ame dayene.
Parîs û Munster de serragêrayîşê ronayîşê PKKyî ame pîrozkerdene. Aktîvîteyan de mesajê wedartişê tecrîdî ame dayene.
Paytextê Fransa Parîs û bajarê Munsterî yê Almanya de serragêrayîşê ronayîşê PKKyî ame pîrozkerdene.
Parîs de Roşanê Ganebîyayîşî bi coşa girde ame pîrozkerdene. Şayîya ke bi slogana ‘‘Ma do tecrîdî bişiknê, faşîzmî birijnê û Kurdistanî azad bikerê‘‘ ameye viraştene bi seyan kesî tewrê ci bîyî. Endamê Tevgera Ciwanên Şorişgêrî bi slogana ‘‘PKK şar o şar tîya de yo‘‘ kewtî salone.
PARÎS
Aktîvîte de mesajê Hemserekê Konseya Rayberdişî yê KCKyî Cemîl Bayikî yê derheqê ronayîşê PKKyî bi rayîrê sînevîzyonî ameyî seyrkerdene.
Hemserekê KONGRA-GELî Remzî Kartalî şewe de qisey kerd. Kartalî bale ante muhîmîya PKKyî ser û va: ‘‘Bi PKKyî çar perçeyê Kurdîstanî de kurdî weriştî lingan ser. Seba çînkerdişê PKKyî heme serdestî bîyî yew hemverê Rayberîya ma de komplo viraşte û na komplo hema dewam kena. Ma do nê kayanê leyşinan pûç vejê û tecrîdî bişiknê.‘‘
Siyasetmedaranê kurdan ra Suleyman Guneylî zî Roşanê Ganebîyayîşî pîroz kerd û vat ke seba azadîya Ocalanî û kurdan ganî xoverdayîş bêro girdkerdene.
Aktîvîte bi kilamanê Dîyar, Seyîtxan, Sengul Pake, Ozan Aydin û Dîyar Mehravî dewam kerde.
MUNSTER
Bajarê Munsterî de zî bi tewrbîyayîşê seyan Kurdistanij û dostanê înan serragêrayîşê ronayîşê PKKyî ame pîrozkerdene. Aktîvîte de hunermendan kilamê şorişgêrî vatî û mesajê Cemîl Bayikî ame seyrkerdene.