Parlamenterê HDPyî meclîsî de dest bi grevê vêşanîye kenê

10 parlamenterê ke mîyanê înan de hemsereka HDPyî Pervîn Buldane zî esta hemverê tecrîdê girankerdeyî yê serê rayberê şarê Kurdî Abdullah Ocalanî do meclîsî de dest bi grevê vêşanîye bikerê.

Seba wedartişê tecrîdê serê rayberê şarê Kurdî Abdullah Ocalanî 10 parlamenterê HDPyî do meclîsî de dest bi grevê vêşanîye bikerê. Mîyanê parlamenteran de hemsereke Pervîn Buldane zî esta.

Çalakîya grevê vêşanîye do roja Sêşemeyî tavilî dimayê kombîyayîşê grûbe dest pê bikero û 2 rojan dewam bikero.

Hetêna ra heme organîzasyonanê partîye rê talîmatê destpêkerdişê grevê vêşanîye yê 3 rojan ame şirawitene. Organîzasyonê bajaran do 3ê Kanûne de dest bi çalakîyan bikerê. Organîzasyonê ke hadreyîyê înan a roje nêbîyê temam zî do 4ê Kanûne de dest bi çalakîyan bikerê. Parlamenterê ê şaristanan zî do cayê ke ameyê weçînitene de tewrê çalakîyan bibê.