Parlamenterê Partîya Conservatîve Tom Kmîec şi serdana Yusuf Îbayî yo ke 117 rojî yo vera tecrîdkerdişê Ocalanî bajarê Toronto yê Kanada de grevê vêşanîye de yo. Kmîecî Îbayî ra vat ke çalakîya ey Kanada de zî veng vet û xeylî tesîr bi ey kerdo.
Yusuf Îba seba wedaritişê tecrîdkerdişê Rayberê Şarê Kurdî Abdullah Ocalanî 117 rojî yo grevê vêşanîye de yo.
Çalakîya Îbayî bajarê Toronto yê Kanada de rixmê persanê weşîye zî bi qerardarîye dewam kena.
Çalakîya Îbayî Parlamentoyê Kanada de zî bîbî rojdem û seba Îbayî paştdayîş amebi dayene.
Parlamenter Tom Kmîec vizêrî teba heyetêk şi serdana Yusuf Îbayî, o do dosyaya Îbayî ewro pêşkêşê Wezîrê Karanê Teberî yê Kananda bikero û wezîrî ra biwazo ke na babete de ê zext bi dewleta Tirkî bikerê.
