Partî û rêxistinanê kurdîstanijan ê Ewropa eşkerayîyêka hempare daye û xespkêrdişê 5 şaredarîyanê HDPyî yê hetê AKP-MHPyî ra şermezar kerd.

Eşkerayîye wina ya: ''Dewleta tirke ya faşîst û kolonyalîste hêrişê vera Kurdîstanî dewam kena. Her roje hêrişê Rojawanî, Vakur û Başûrî kena, sivîlan qetil kena. Dewleta tirke weçînayîşê 2015î ra dima zî hêrişê şarê ma kerd û bi hezaran sîyasetmedarê kurdî dekerdî zîndanan. Serra 2017î de zî qeyûmî tayînê şaredarîyanê ma kerdî. Weçînayîşê 2019î de şarê ma tewirê xo yo rûmetên dewam kerd û pê îradeyê xo cewabê dewleta faşîste da. Şarê ma rixmê gefanê Erdoganî 65 şaredarîyî vistî destî. La weçînayîşî ra dima dewleta faşîste reyna dest na şaredarîyanê ma ser, hemşaredarî tepiştî. Dewleta faşîste û kolonyalîste reya peyêne dest na 5 şaredarîyanê HDPyî û hemşaredarî wezîfeyanê înan ra girewt, herinda înan de qeyûmî tayîn kerdî. 

Xoverdayîşê şarê ma bêguman nê hêrişan do pûç bikero. La ganî şarê tirkî û şarê bînî zî vera nê rejîmê faşîstî şarê kurdî reyde îtîfaq bikerê û vera nê hêrişan vengê xo berz bikerê, xoverdayîşê xo pîl bikerê.

Dîktatorîya AKP-MHPyî derbeya rejîmî ya û dişmena şarê kurdî ya. 'Efûya Bahçelîyî' zî na raştîye mojnaye. Pê na efû cergî, sûcdarê tewr xirabêrî vera dîyayî la tepişteyê sîyasî yê kurdî mîyanê zulmî de vera janî zîndanan de mendî. Dewleta TCya ke hînî zanena ke peynîya ci ameya, seba ke aqîbetê xo bivurna hêrişê Kurdîstanî zêdînayî. Hêrişê faşîstî, tepiştiş, destbendkerdişî do qet nêeşkê îradeyê şarê kurdî çin bikerê. Şarê ma do pêro hêrişanê dewlete Kurdîstan de pûç bikero û kolonyalîzm û faşîzm bierzo çopê tarîxî. Ganî yar zî neyar zî wina bizanê.

Başûr zî rewî ra hedefê dewleta TCyî de yo. TC hem vera Başûrî hetê ekonomîk, polîtîk û dîplomatîkî ra kontrol keno û hem zî uca de baregehanê xo nano ro. Nê rojan de zî mabênê kurdan de şerêk amade keno. Bi taybetî xîret keno ke Zînî Wertê de planê birakûjî bîyaro ca. Ma venga şarê ma yê Başûrî û pêro rêxistinanê kurdîstanijan danê ke planê TCyî yê faşîstî pîya pûç bikerê.

Roje roja yewî ya. Ma çar parçeyanê welatê xo de paştdayîş û yewîye bîyarê ca. Ma menfaatanê şarê xo qurbanê hesabanê qijkekan nêkerê. Roje a roj a ke ma menfaatanê şarê xo her çî ra verî bifikîrê. Têna pê nê tewir û vatişî ma eşkenê têkoşîn çar parçeyanê Kurdîstanî de pê serkewtişî tacîdar bikerê.

Partî û Dezgehanê Kurdîstanijan ê Ewropa

YNK 

Têgêrayîşê  GORRAN

KCDK-E (Kongreya Komelê Kurdîstanijan a Ewropa) 

TJK-E (Têgêrayîşê Cinîyan ê Kurdîstanî yê Ewropa)

Partîya ŞÛÎ Kurdîstan Basur

Partîya Zahmetkêşan - Başûr

PADÊ (Partîya Azadî û Demokrasî ya Êzîdîyan)

Têgêrayîşê Azadîye

PYD (Partîya Yewîya Demokrate)

P.D.K.S (Partîya demoqtat a kurdi ya sûrî)

Partîya Çepe ya Kurdan a Sûrîye 

Têgêrayîşo Newe yê Kurdîstanî yê Sûrîye

PÇDKS (Partîya Çepe ya Demokrate ya Kurdan a Sûrîye)

Partîya Demokrate ya Kurdan a Sûrîye (El Partî)

Partîya Çepe ya Demokrate ya Sûrîye

Partîya Rêkeftin a Kurd li Sûrya

Partîya Çaksaziya Kurd li Sûriya

Partîya Keske ya Kurdîstanî ya Sûrîye

Partîya Demokrate ya Kurdîstanîî  ya Sûrîye

Partîya Komunîste ya Kurdîstanîî ya  Sûrîye

PÎK (Partîya Îslamî ya Kurdîstanî)

KKP (Partîya Kominista Kurdîstanî)

Têgêrayîşê Kawa

PJAK(Partîya Cuya Azade ya Kurdîstanî)

Yakyatî Şorşgêrî Kurdîstanî

KODAR 

KJAR (Komelê Cinîyan ê Rojhelatê Kurdîstanî) 

Platformê Horamî

Plattformê Zagrosî

Plattformê Yarsanan

Yarî Kurd

Tevçand (Têgêrayîşê Kultur û Hunerî yê Kurdan)

Kurdische Gemeinde Stuttgart e.V

FEDA (Federasyonê Elewîyan ê  Kurdîstanî)

NAV – YEK (Federasyonê Komelan ê Êzidîyan)

Kurdische Zentrum Berlin

CIK (Komelê Îslamî yê Kurdîstanî)

Enstituta Kurdî – Almanaya

Enstituta Kurdî – Bruksel

MŞD (Meclîsê Şingalî yê Teberê Welatî)

YMK (Yewîya Mamostayan a Kurdîstanî)

YES (Yewîya Êzidîyan a Sûrîye)

Kurdisch Gemeinde Brandenburg - Berlîn

Dachverband der Êzidischen Frauenräte

DKF (Deutsch-kurdisches Forum) e.V Dresden

Kongreya Şarî ya Mezopotamya

Partîya Azadîye ya Mezopotamya

Kurdistan human rights Association