Partîya Çep a Hewze bi eşkerayîya kilme da pêhesnayene ke  30ê adare roja pancşemeyî do Beyannameyê Vîjnayîşî eşkera bikero.

Eşkerayîye de ame vatene ke beyanname do Otêla Hîltonî ya Anaqara de saete 11:00 de hetê hemserekanê Partîya Çep a Hewze Çîgdeme Kiliçgun Uçar û Îbrahîm Akinî ra bêro eşkera kerdene.

Hemserekê Pêroyî yê HDPyî Pervîne Buldan û Mîthat Sancar do kombîyayîş de qiseykerdişê akerdişî bikerê.

Badê beyannemeyî do slogane û deyîra kurdkî û tirkî ya vîjnayîşî ya Partîya Çep a Hewze bêro nasdayene.