14ê gulane rê rojê hûmarteyî mendî. Şar nê weçînitişî ra zaf çî paweno. Ma karker, wendekar û ekolojîstan reyde qala weçînitiş û pawitişanê înan kerde.

Kubîlay Çelîkî vat: “Zaf problemê karkeran est ê ke çew goş pa nêkewno. Partîya Çep a Keske ra pawitişê ma est o ke problemanê ma bikirişo meclîsî. Verî HDPyî vengê ma dayene eşnawitene. Nika Çep a Keske do bibo vengê ma.”

Yasin Ishaki vat: “Problemê sey sîgorta û asayîşî û zaf problemê bînî est ê. La seba ke ma mecburê ma nêeşkenê vera neheqîye vejîyê şartanê zehmetan de gureyenê. Ma wazenê ke problemê ma bêrê çareserkerdene. Çoka raya xo danê Partîya Çep a Keske. Ma pê bawerê ke a do semedê çareserkerdişî şiro probleman ser.”

Utku Şahînî vat: “Nê îqtîdarî xoza, warê ciwîyayîşê ma talan kerdî. Seba ke Partîya Çep a Keske vera rijnayîş  û talankerdişê xoza vejîyena, heqanê merdiman, heywanan pawena û heme nasname û bawerîyan rê hurmet kena, gerek her kes raya xo bido Partîya Çep a Keske.”

Sinan Akdag vat: “Ameyoxê ciwanan eşkera nîyo. Problemê ciwanan nînê çareserkerdene. Problemê ma zaf ê, problemê tewr gird zî bêkarîye û bêameyoxîye ya.  Pawitişê ma Partîya Çep a Keske ra oyo ke nê probleman çareser bikero. Coka ma do rayanê xo bidê Partîya Çep a Keske.”