Partîya Çep a Keske kongreya teşrîna verêne ra verî Mûş de bînaya HDPyî de konferansêk kerd. 

Konferans de hêverî nuşteyê serê prosesê polîtîkî, tewirê stratejîkî û pêşnîyazan ameyî wendene. Dima beşdaran nînan ser o ercnayîşî kerdî. Mûşijan pare kerd ke ganî xeletîyê polîtîkî weçînayîşanê herêmîyan de xo dibare nêkerê.

Beşdaran ard ziwan ke ganî nika ra pey xenatê weçînayîşanê herêmîyan dest pêbikerê û namzedî goreyê pêşnîyazanê şarî bêrê dîyarkerdene. 

Konferans de sîyasetê îtîfaqî ser o nîqaşî ameyî kerdene û ame vatene ke sîyaseto nikayên teorî de raşt o la caardiş de kêm o.

Wekîla Partîya Çep a Keske ya Mûşî Sumeyye Boz derheqê belgeyanê tewirî, erkanê beşanê partîye, rêxistinîye û prosesê dîyarkerdişê namzedan de qisey kerd.

Boze vat: ''Sîyasetê ma yê îtîfaqî esasanê raştikênan ser o awan bîyo. La ganî bibîyêne polîtîkayêka stratejîke. Ganî sîyasetê dewrê neweyî goreyê stratejîya Rayîrê Hîrêyînî bêro kerdene.''

Konferans bi parekerdişê pêşnîyazanê kongre û weçînayîşê delegeyanê kongre qedîya.