Partîya îqtîdarî ya Îskoçya: Tecrîdê vera Ocalanî qebul nêbeno

Partîya îqtîdarî ya Îskoçya SNP veng da ke wa tecrîdê vera Rayberê Şarê Kurdî Abdullah Ocalanî bêro qedînayene û pêvînayîşê haştîye dest pêbikerê.

Partîya Neteweyî ya Îskoçya (SNP) bale ante ser ke Tirkîya ganî dewaya kurdan bi rayîrê haştîye çareser bikera û SNP kurdan paweno.
SNPyî eşkerayîya xo de vat ke Tirkîya endamêka NATOyî ya û têkilîya ci bi Brîtanya weş a la no nêno a mana ke xeletîyê ci bêrê çinhesibnayene.

Eşkerayîye de Wezaretê Karanê Zereyî ra ame vatene ke tecrîdê vera Abdullah Ocalanî wedaro û wina veng ame dayene: ''Ocalan 20 serran ra zêdêr binê tecrîdî de yo. No kerdişê Tirkîya peymananê mîyanneteweyîyan binpay keno ke Tirkîya zî îmza daye înan. Ganî Wezaretê Karanê Zereyî yê Brîtanya eşkera bikero ke Ocalan temsîlkarêko kurdan o.''

SNPyî seba xoserîya Îskoçya têkoşîn kerd. Parlamentoya Brîtanya de 55 kursîyan ra 49 kursîyî aîdê SPNyî yê.