Verê banê HDPyî yê Amedî de hîrê serrî yo hetê AKPyî ra çalakîye yena kerdene. Rûkene Canbeya ke şaredarîye ra semedê roniştişî meaş girewtêne karî ra ameye vetene.

Rûkene Canbaya ke Amed de ciwîyena 2019 de tewrê çalakîya îşxalî ya ke hetê AKPyî ra verê HDPyî de dîyaye destpêkerdene, bîye. Canbeye vera nê Şaredarîya Pîle ya Amedî ya ke hetê qeyûmî ra ameyî xespkerdene de dest pê karî kerd.

Nizdê hîrê serran hem tewrê çalakîya îşxalî bîye û hem zî şaredarî ra meaş girewte. Di hewteyî verê cu Serekê AKPyî yê Bajarî M. Şerif Aydinî yo ke pîya bi keyeyê ke verê banê HDPyî de ronişenê merdimê xo zî şaredarî de ca kerdî, venga Canbeye da û vat; ''ti hende xebitîyaya bes o, inkey dorê keyeyanê bînan o'' û Cabeye garî ra vete.

Canbeye qeyûm zîyaret kerd û waştişê înan qebul nêkerd. Canbeye otobusa şaredarî de  her nuqta de derheqê Aydinî de qisey kerd û cirê nengî çînayî. Naye sero Aydinî hêna venga Canbeye da û a hîşyar kerd. La Canbeye tewirê xo nêbedilna.

Canbeya ke 2019î ra nata tewrê çalakîya îşxalî bena û zafê înan de serkêşîye kena û eşkerayîyan wanena îda kerdêne ke birayê ci yo nêweşê losemî yo astengdar bi remnayîşî berdîyayo koyan. Bado ke Canbeye karî ra vejîyayî hêna eşkera bi ke nê keyeyî bi destê AKPyî vera pereyî tîya ameyî cakerdene.