KCDK-E û TJK-E pê eşkerayîyêke pare kerd ke seba pîlkerdişê xoverdayîşê vera îşxal û qirkerdişî roja dişemeyî xeylêk welatan de çalakîyî do bêrê kerdene û venga pêro kurdan da ke tewrê çalakîyan bibê.

Eşkerayîye de astengkerdişê Heyetê Haştîye ame vîrvistene û wina ame vatene: ''Wina aseno ke hukmatê almanya hemkarê polîtîkîyanê qirkeran ê dewleta tirke yo û PDK zî tewrê nê serebûtî bîyo. Ma venga PDKyî danê ke nê nêzdîbîyayîşî ra fek vera bido û wayîrê xoverdayîşê gerîlayan vejîyo.''

Eşkerayîye de bale ameye antene Kombîyayîşê Berzî yê NATOyî ser zî û wina ame vatene: ''14ê hezîrane de Bruksel de Komîyayîşo Berz ê NATOyî do bêro kerdene û Erdogano faşîst û dîktator zî do tewrê kombîyayîşî bibo. Ma sey şarê kurdî pê ruhê yewîya neteweyîye bibê yew û ma vera kayanê hêzan ê mîyanneteweyîyan û xîretanê qirkerdişê kurdan wurzê payan ser.

14ê hezîrane de ma pê çalakîyan Ewropa, Kanada û Avusturalya de hêrişanê vera Zap, Metîna û Avaşînî, nêzdîbîyayîşê NATOyî û hêzanê mîyanneteweyîyan şermezar bikerê. Ma venga pêro şarê xo û dostanê xo danê ke vera îşxal û qirkerdişî xo ver bidê.''