Endama Heyetê Îmraliyî yê DEM Partî Pervîne Buldan zîndananê Kandira û Gebze de sîyadetmedarê Cinî yê ke tepişte yê, zîyaret kerdî. Buldanê pêvînayîş de derheqê zîyaretê peyênî yo ke Rayber Apoyî reyde ame kerdene, zanayîş da.

Buldane Kandira de Hemsereka Pêroyî ya HDPyî ya verêne Fîgene Yuksekdag zîyaret kerd û selam û mesajê Rayber Apoyî teqdîm kerdî. Yuksekdage zî vat: ''Proseso ke Birêz Ocalanî dayo despêkerdene ma zaf qiymetin vînenê. No proses do bibo merhaleyêka newî ya têkoşînê ma yê kede û azadîye. Ma do bi pêro samîmîyetê xo peyê ci  vinderê.''