Peykerê Hasret Gultekîno ke Qirkerdişê Madimakî de amebi qetilkerdene par Cemxaneyê Duzgun Babayî de amebi ronayene. La peykerî ser o xeylêk dezgeh, rêxistin û kesayetanê elewîyan zaf nîqaşî kerdbi. Nînan ra tayênî ver vejîyayî ke peyker ganî cayêkê dînî de nêro ronayene. Nîqaşan ra dima peyker amebi berdene Cemxaneyê Pîr Kureyş Babayî.

Vizêr Serekê komele Galîp Aydin zî tede heyetêkê Komeleya Kulturî ya Pîr Sultan Abdalî (PSAKD) peykerê Hasret Gultekînî wedarna cayêkê bînî.

Dîya zanayene ke dima ke rizaya keyeyê Gultekînî bêro girewtene û tay pêvînayîşî bêrê kerdene peyker cayêkê mehqûlî de do bêro ronayene.