Nizdê 20 pîranê elewîyan Rêxistina Qedexekerdişê Çekan ê Kîmyewîyan (OPCW) ya Neteweyanê Yewbîyayeyan rê mektûbe şawite û veng da ke wa waranê gerîlayan ê ke tede çekê kîmyewîyî ameyî şuxulnayene de cigêrayîş bikerê.

Mektûbe de nê ameyî vatene:

''Ma bi qehrîyayîşî xebere û îdîyayanê dewleta tirke vera gerîlayan çekanê kîmyewîyan şuxulnena teqîp kenê. Ma sey Pîran û Dayîkan ê Pîran ê bawerîya qedîme ya elewîyan a Mezopotamya şuxulnayîşê çekanê kîmyewîyan ê ke qedexe û sûcê şerî yê qebul nêkenê. Cayê naye bawerîya ma de çîn o. Bawerîya ma ya qedîme şerî red kena, mirinayîşî herim hesibnena û ziwan, dîn, fikr, reng û cinsê meridamn çi beno wa bibo heme merdiman secîye gena dest û pîya ciwîyayîşê ci esas gena. No şero leymin û wehşî yo ke cografyaya ma de yeno kerdene ameyoxê ma tarî keno. Dezgehê şima yo ke bi waştişê vergirewtişê şerî sûcanê şerî ameyo ronayene ganî vera vera şerî û sûcanê şerî têbigêro. Sere de Zap û Avaşîn Herêmanê Pawitişî yê Medya de ganî cigêrayîş bêro kerdene. Ma venga şima danê ke waranê gerîlayan ê ke tede çekê kîmyewîyî ameyî şuxulnayene de cigêrayîş bikerê. Ma Pîrî sey rayberanê bawerîya elewîtîye pê bawer ê ke şima do hîsgêr têbigêrê.''

Pîranê ke mekûbe îmza kerd nameyê înan wina yê:

Pîre Ana Lillê Yagmur

Pîre Ana Meleke Ugur

Pîre Ana Bîlge Şahîn

Pîr Riza Yagmur

Pîr Velî Ugur

Pîr Huseyîn Bîldîk

Pîr Mahîr Şahîn

Pîr Mesut Kete

Pîr Alî Kemal Ozturk

Pîr Dogan Kahraman

Pîr Mehmet Yaman

Mehmet Şeker( Sinemilli)

Pîr Mehmet Erdogan

Pîr Alî Çalhan

Pîr Velî Roj

Pîr Murteza Dag

Pîr Mehmet Yuksel