Pisporê erdlerzî Savaş Karabulutî ke Ajansê Mezopotaya qisey kerd, erdlerz sey qirkerdişî hesibna û vat hûmara merdeyan hûmara ke yana eşkerakerdene ra zafêr a.

Savaş Karabulutî vat: ‘‘Pêroyê erdlerzan ra dima ma vînenê ke tena mutahî dî ceza gênê la berpirsîyarê ney îdareyo merkezî yo, yanî îqtîdar o  û dima zî îdareyê herêmî yê. Çunke sere de seba ke destûr dayo mutahîdan ke awanîyanê qaçaxan bivirazê û peynîya afetan de her çîyî qeder û fitratî reyde girêdanê, berpirsîyar ê yê. Nê herêmanê erdlerzî de çîyo ke gere biameyêne kerdene, konrtolkerdişê awanîyan û vernîgîrewtiş bî. Awanîyê Tirkîya gere yew bi yew biamaeyêne konrtolkerdene, awanîyê ke rîskê înan est o, gere biameyêne rijnayene û neweraviraştene yan zî biqewetkerdene. Biewne însanî binê blokanê betonan de mendê. Coka nê mergî ke erdlerzan benê her yew qirkerdişêko eşkera yo.’’