Komîteya Rayberdişî ya PKKyî bi wesîleya serrgêra Komployê 15ê Sibate yê vera Rayber Apoyî mesajêko nuştekî weşana. PKKyî veng da ke wa her kes vejîyo waran û 15ê Sibate Roja Qirkerdişî bikero Roja Azadîya raşte.

Eşkerayîye ra qismêk wina yo:

''Vera komplo û sîstemê Îmraliyî Têgêrayîşê Azadîye, şarê ma yo welatperwer û dostê ma 26 serrî yo serkêşîya Rayber Apoyî de xover danê. No têkşîno ke 26 serrî yo bi şîarê 'Şima nêeşkenê tîja mat arî bikerî' yeno kerdene, 30 hezarî ra zafêr şehîdî dayî. Bi nê têkoşînî komplo ame şiknayene û tecrîd hinî nêeşkeno bêro rayraberdene. Eşkera yo ke serrgêra 26. do tarîtîye xo dima biverdo û verê azadîyêka tarîxî abikero. Ma hêvî kenê ke vejîyayîşo tarîxî do bêro kerdene û prosesê bedilnayîşî yo demokratîko ke her kesî geno zereyê xo do bêro averberdene. Na çarçewa de ma komplokaran reyna şermez kenê. Seba kerdişanê xo yê 26 serran kurdan ra ozrê xo biwazê û cuyeya azad û demokratîke ya kurdan hinî asteng mekerê.

Nika serrgêra 26 de têkoşînê Rayber Apo, şar û dostanê ma keno ke vejîyayîşêk bikero. Bi têkoşînê 26 serran û tesîrê şerê dinya yê hîrêyinî ke Rojhelatê Mîyanênî de qewimîyeno hinî komployê mîyanneteweyîyî û sîstemê tecrîd, îşkence û qirkerdişî yê Îmraliyî ame teşhîrkerdene û şiknayene. No sîstemo neheq, bêedalet û zalim hinî şikyeno û çew wayîrê nê sîstemî nêvejîyeno. Wayîrê ci zî nêeşkenê barê ci bikirişê û bidê rayraberdene.

Serrgêra 26. de sere de Kurdîstan û Tirkîya her kes Rayber Apoyî ra vejîyayîşê neweyî, despêkerdişêkê neweyî paweno. Eke vervejîyayîşêko zaf gird û mudaxaleyêkê darbe mebo, hetê Rayber Apoyî ra do prosesêko newe bêro destpêkerdene. PKK û kurdî do bibedilîyê, Dewleta Komara Tirkîya û rewşa Tirkîya do bibedilîyê, Rojhaletê Mîyanênî û dinya do bibedilîyê. Wa dewlete metersê; Rayber Apo û kurdî dewlete nêrijnenê, bi demokrasîyî newera înşa kenê. Wa komelê Tirkîya meterso; Rayber Apo û kurdî Tirkîya parçe nêkenê, çarçewaya azadîya kurdan de xebata demokratîkbîyayîşê Tirkîya kenê. Cehdkerdişê azadîye û demokrasîyî yê Rayber Apoyî û kurdan sibayê demokratîkî yê her kesî esas genê.

Bêşik her çî bi eşkerayîyêke nêbeno û her çî Rayber Apo nêkeno. Senî ke problem ê ma perûn o, wezîfe zî yê ma perûn o. Ganî her kes wezîfeyê xo bîyaro ca. Serrgêra 26. de ganî her kes vejîyo waran û 15ê Sibate Roja Qirkerdişî bikero Roja Azadîya raşte.''