Tirkîya hinî tewrbîyayîşê Swêd û Fînlandîya yê NATOyî rê muxalefet nêkena. Sekreterê Pêroyî yê NATOyî Jens Stoltenberg, Serekê Swêdî Magdalena Andersson û Serekkomarê Tirkîya Recep Tayyîp Erdoganî pêvînayîşêk kerd û badê nê pêkerdişêk ame îmzakerdene. 

Komîteya Tekîlîyanê Teberî ya PKKyî vera NATOyî nêrazîbîyayîş  mojna ke semedê gamanê hîrabîyayîşî destkewteyan, ercan, azadîye û têkoşînê kurdan keno babeta bazarîye.

Eşkerayîye de nê ameyî parekerdene: ''NATO semedê gamanê hîrabîyayîşî destkewteyan, ercan, azadîye û têkoşînê kurdan keno babeta bazarîye. No vera kurdan îlanê dişmenîye yo. 28ê hezîrane de paytextê Îspanya Madrîd de Fîlandîya û Swêd ê ke sey temsîlkarê demokrasîyî yenê mojnayene îqtîdarê tewr faşîstî yê dewleta tirke de pêkerd. No îfadeyê dirîyîye û rewşanê leyminna o. Rîyo raşt ê sîstemî yo ke sey demokrasîyê rojhelatî yeno zanayene reyna eşkera vejîya meydan. Partîya Demokratanê Sosyalan a Swêdî kongre de qerarê paştdayîşê kurdan girewt bi. No qerar ame betalkerdene û reyna ame dîyenê ke semedê mefeatê xo her çî muzakere kenê.

Pêkerdişo ke NATOyî Madrîd de kerd paştdayîş û wayîrvejîyayîşê qirkerdişê dewleta tirke yê vera kurdan o ke seserrî yo yene kerdene. Ewro şarê kurdî vera polîtîkaya  qirkerdişî ya dewleta tirke têkoşînê demokrasîyî dano. Qet yew hêzê dinya nêeşekno kurdan bin bifîno. Dewleta tirke ya faşîste ya ke vera têkoşînê azadîye yê kurdan nêeşkena rijyayîşê xo vindarno wazena bi paştdayîşê mîyanneteweyî qirkerdiş bikero. NATO 1985î ra nata her qeyde paştî dano Tirkîya. Rixmê nayî  têkoşînê azadîye yê kurdan ewro resayo serpilikî. Sere de Fînlandîya û Swêd çar hetanê dinya de bi se mîlyonan dostê kurdan est ê. Kurdî û dostê înan do vera înanê ke pîya bi dewleta tirke ya faşîste semedê qirkerdişê kurdan roştîya hewze fînenî ta, têkoşînê haştîye û demokrasîyî xurtêr bikerê.''