Bayik: PKKyî şarêko vilabîyaye wirizna payan ser
Hemserekê Konseya Rayberdişî ya KCKyî Cemîl Bayikî serrgêra 42. ya ronayîşê PKKyî ser o qisey kerd û vat: ''PKKyî komelo ke yewbînan ra qerifîyabi wedarna payan ser û seba merdimîye kerd hêvî.''
Hemserekê Konseya Rayberdişî ya KCKyî Cemîl Bayikî serrgêra 42. ya ronayîşê PKKyî ser o qisey kerd û vat: ''PKKyî komelo ke yewbînan ra qerifîyabi wedarna payan ser û seba merdimîye kerd hêvî.''
Hemserekê Konseya Rayberdişî ya KCKyî Cemîl Bayikî serrgêra 42. ya ronayîşê PKKyî ser o Stêrk TVyî rê qisey kerd.
Qiseykerdişê Bayikî rê beşêk wina yo:
''Ronayîşê PKKyî seba pêro kurdan, şaranê Rojhelatê Mîyanêbî, seba merdimîye roşan o. No roşanê keda Rayber Apoyî yo. Rayber Apoyî esasê partîya ma awan kerdî, gerîlayî û têkoşîn geş kerdî, ardî heta ewro. Tecrîdê vera Rayber Apoyî tecrîdê vera kurdan o. Dewleta tirke bi rayîrê tecrîdî Rayber Apoyî ra ke şarê kurdî şîyar kerd, qesasê xo gêna. CPTyî vat ke Îmrali de sîstemê îşkence û tecrîdî esto. La heman CPT vera na rewşe tênêgêreno. CPT û Konseya Ewropa bi nê hawayî tecrîd kenê meşrû.
PKK 50 serran ra nata bi hawayêkê îstîqrarî têkoşîn keno, vurîyayîşan keno, seba kurdan destkewteyan visneno destî. Xora nê pêro netîceya kedanê Rayber Apoyî yê. Kurdî bi têkoşînê PKK û Rayber Apoyî bîyî gandar, weriştî payan ser, seba xo têkoşîn kerd. PKKyî komelo ke yewbînan ra qerifîyabi wedarna payan ser û seba merdimîye kerd hêvî. Bi nê hawayî xeylêk şorişê sey şorişê cinîyan qewimîyayî. Ewro têkoşînê cinîyan ê kurdan hetê pêro dinya ra şinasîyeno. Têkoşînê PKKyî têna mergê Vakurî nê verê mergê pêro parçeyanê Kurdîstanî girewt. Başûrê Kurdîstanî zî netîceya têkoşînê PKKyî de bi wayîrê statuyêkî. Eke ewro Rojawan de yan zî Rojhelat de yew têgêrayîşê kurdan esto no netîceya keda têkoşînê PKKyî yo. PKK hêzanê kolonyalîstan asteng keno ke kurdan çin bikerê.
Rayber Apoyî destpêkî ra nata merdimîye esas girewt. Coka ey PKK zî bingeyê enternasyonalîzmî ser o rona. Coka ewro şarê dinya wayîrê PKK, Rayber Apo û têkoşînê kurdan vejîyenê. Rayber Apoyî alternatîfêk yanî paradîgmaya komelê demokratîkî awan kerde. Rayber Apoyî komelo demokratîk, ekolojî û azadîya cinîyan esas girewtî. Rayber Apoyî sîstemê konfederalîzmê demokratîkî awan kerd û tesîrê kapîtalîzmî qels kerdî.
Îqtîdarê AKP-MHPyî binî ra bîyo qels. Ma seba ke na qelsîye bimojnê û vera ci têkoşîn bikerê Hemleya xo ya 'Wext Wextê Azadîye' daye destpêkerdene. Hemleya ma ra dima îqtîdarê înan hîna bîyo qels.Xora azadîya Rayber Apoyî merkezê na hamle de ya. Çarçewa hamle de kampanyayî roje bi roje benê pîlêr. Ma nika eşkenê vajê ke îqtîdarê AKP-MHPyî rijîya. Kamî no kerdo? Têkoşînêşar û gerîlayanê ma.
Peymana Bexdad-Hewlêrî ya seba Şingalî do têna Tirkîya rê xizmet bikera. Ganî waştişanê şarê Şingalî rê hûrmet bêro mojnayene. Şarê Şingalî mazlûm o. Ganî PDKû Iraq nêkewê menfaatanê xo pey. Eke na peymane bêra caardene êzidîyî do zerar bivînê. Ganî êzidîyî û kurdê bînî vera na peymane wurzê payan ser. Roje roja wayîrvejîyayîşî ya êzidîyan a.''