Rêxistina DBPyî ya Îstanbulî vera qewimîyayîşanê Başûrê Kurdîstanî û tepişnayîşê Hemsereka KCDyî û Wekîla HDPyî Leyla Guven Meydanê Aksaray Metro yê Fatîh de waşt ke çalakîya protestoyî bikero. Polîsan hêrişê şarî kerd.

Polîsanê saetan verî ra warê çalakîye girewt binê ablûqa. Rixmê ablûkaya polîsan Hemsereka HDKyî Îdîle Ugurlu, wekîlê HDPyî Salîha Aydenîz û Musa Pîroglu zî tede bi seyan kesî meydan de ameyî têhet. Polîsan vat qeymaqemîya Fatîhî çalakîye qedexe kerda û ê do destûr nêdê. Çalakwanan ard ziwan ke ê do heqê xo yê demokratîke bişuxulnê. Badê muneqeşeyan polîsan hêriş kerd. Hêriş de wekîlê HDPyî zî ameyî derbkerdene û hemserekê HDPyî ya Îstanbulî Elîf Bulut û Erdal Avci zî tede xeylêk kesî ameyî destbendkerdene.