9 rêxistinanê cinîyan bi eşkerayîyêke vera tepiştişê Hemsereka KCDyî û Wekîla Colemêrgî Leyla Guven nêrazîbîyayîşê xo mojna.

Cinîyan ard ziwan ke bira tepiştişî têna vera Leyla Guven nê vera îradeyê pêro cinîyan ameye girewtene û bi nê hawayî cinîyî yenê tersnayene. Eşkerayîye de ameparekerdene ke Leyla Guven heta nika vera pêro neheqîyan têkoşînêko pîl da, bedelî dayî û hêrişê îqtîdarî do nêeşkê têkoşînê Leyla Guven asteng bikerê.

Eşkerayîye wina dewam kena: ''Seke Leyla Guven vat ma nêşinê cayêk. No welat welatê ma yo û ma do tede sîyaset bikerê. Polîtîkaya teda û zorbazîye do nêeşka verê ma bigêra. Oyo ke do birijo îqtîdarê serdestîya camêrdan o. Ma do vera polîtîkayanê ke dişmenîya kurd û cinîyan kenê sereyê xo nêrê war.''

Rêxistinê ke eşkerayîye îmza kerde nê yê:

Meclîsê Cinîyan ê HDPyî

Meclîsê Cinîyan ê Kongreya Demokratîke ya Şaran (HDK)

Komîsyonê Cinîyan ê HDPyî

Meclîsê Cinîyan ê Kongreya Komelê Demokratîkî

Kadınların Kurtuluşu

Platformê Cinîyan ê Sosyalîstan

Meclîsê Cinîyan ê Sosyalîstan

Meclîsê Cinîyan ê Partîya Newîye ya Sosyalîste

Cinîyê Cepgîrî yê Keskî