Hemsereka Kongreya Komelê Demokratîkî (KCD) Leyla Guvena ke rejîmê tirkî cezaya 22 serran û 3 mengan daye ci,  bîşewe de Amed de ameye destbendkerdene.

Guvena ke şewe Şubeyê TEMî de mend û ewro vejîyaye edlîye, bado qerarê tepiştişî rîyê ci rê ame wendene ameye berdene Zîndanê Qefilnayeyî yê Cinîyan ê Amedî.

Hemserekê KCDyî Berdan Ozturk û Hemsereê DBPyî Keskîn Bayindir zî tede xeylêk sîyasetmedarî verê edlîye e ameyî pêser. Guvene êyê ke verê edlîye de pabeyê ci bî înan rê vat: ''Tengayî çîn a. Zaf bixewtê ke ma lez agêrê.''