Merdimê tepişteyanê ke semedê wedartişê tecrîdê serê Rayberê Şarê Kurdî Abdullah Ocalanî grevê vêşanîye de yê reya 42. verê Zîndanê Gebze de ameyî têhet. Polîsan reyna hêrişê dayîkan kerd.

Hêrişê polîsan de hemsereka HDP’yî ya Gebze Damla Bagci û îdarekaranê partiye yê Kocalî ra Dîlara Ozgeçmene bi derbkerdişî ameyî destbendkerdene. Polîsan bi zorî dîmenê ke rojnamegeran antî esteritî.