Komeleya Rojnamegeran a Dîcle-Firatî (DFG) û Platformê Rojnamegeran ê Cinîyan ê Mezopotamya (MKGP) seba 16 rojnamegeranê tepişteyan waşt ke Anqara de Meydanê Ulusî de eşkerayîyêke bidê la polîs hêrişê înan kerd. 

Polîs meydan girewt binê ablûqa, destûr nêda dekewtişê rojnamegeran. Polîsanê tirkan pê şîdetî muxabîra Ajansê Mezopotamya Denîze Nazlim û Sîbele Yukler zî tede 3 rojnamegerî  destbend kerdî.

Rojnamegerî meydanê abluqakerdeyî ra derbazê Temsîlkarîya DÎSKî ya Anqara bîyî û wina pawîyeno ke uca de eşkerayîya xo bidê.