Vizêr Îstanbul dexeylêk partî û rêxistinanê komelê sivîlî waşt ke bi şîarê 'Filîstînî ra heta Rojawanî xoverdayîş do ser bikewo' çalakîya rayraşîyayîşî bikero. La girsey hetê polîsan ra ame astengkerdene. Polîsan verî ke hişyar bikerê Sultangazî de hêrişê girseyî kerd û tewr tay 17 kesî destbend kerdî.

Dima hêrişê polîsan ame protestokerdene. Protesto de ame vatene ke Îsraîl Filîstîn de qirkerdiş keno û îqtîdarê AKP-MHPuî zî serê ney gêno. Protesto de sloganê sey 'Îsraîlo kiştox Filîstînî ra vejîyo', 'Şarê Filîstînî teyna nîyo', 'Şarê xoverdayoxî do ser bikewê' ameyî berzkerdene.