Rêxistina HDPyî ya Îstanbulî seba ke bale biance serê grevê vêşanîye ke vera tecrîdê serê Rayberê Şarê Kurdî Abdullah Ocalanî  yeno kerdene Kadikoy de eşkerayîye organîze kerdene. Polîsan hêrişê kerd, 8 kesî destbend kerdî.

Polîsan banê HDPyî yê Kadikoyî girewt binê abluq û wekîle HDPyî zî tede destûr nê şar banê partîye ra bêro teber. Vera naye sloganê Hêrişê nêeşkenê verê ma bigerê, Wa biciwîyo Serek Apo, Îmraliyî rê hezar selamî ameyî eştene. Polîsan hêrişê şarî kerd ke tay mend xeylêk kesî bienciqîyê. Hetê bînî ra astenkerdişê polîsan çalakîya roniştişî ke ameye kerdene de polîsan hêriş kerd 8 kesî destbend kerdî.

Wekîlê HDPyî Musa Pîrogluyî ke binê ablûqa de eşkerayîye daye vat: ''Na ablûqa û terorê dewlete reyna ramojna ke problemê nê weletîyo bingeyên tecrîd o. Pîrogluyî vat: Heta ke meseleya kurdî nêro çareserkerdene, nê welatî de do demokratî zergûn nêbo. Heta ke meseleya kurdî çareser nêbo kede û şarî nêeşkenê ser bikewê. Çimeyê na ablûqa îqtîdar o. Înanê ke ablûqa naya ro wa bizanê hêz û îradeyê şarê do peynîya înan bîyaro.''