Rêxistina Partîya Demokratîke ya Şaran (HDP) ya Dêrsimî seba ke paştî bido tepişeyanê ke verê tecrîdê serê Rayberê Şarê Kurdî Abdullah Ocalanî grevê vêşanîye de waşt ke Kuçeyê Sanatî de eşekerayîye bide. Polîsan destûr nêda û hêrişê şarî kerd.

Seba ke polîsan destûr nêda, eşkerayîye verê banê HDPyî de ameye dayene. Hemsereka HDPyî ya Dêrsimî Ozleme Toprak eşkerayîye wende. Toprake vist vîrî ke vera tecrîdî verî zî grevê vêşanîye ameyî kerdene û bi tesîrê nê çalakîyan tecrîd sey demdemî ame wedaritene û vat: ''7ê tebaxa 2019î ra nata tecrîd reyna kewt dewre ke no binpaykerdişê huqûqê zereyî û mîyanneteweyî yo. Gereka Wezaretê Edaletî cade verê nê caardişê ke fermî nîyo bîgero. Gereka cade keye û avûkatî pêvînayîşan bikerê. Seba ke dejê pîlî nêrê antene gereka selahîyetdarî wezîfeyê xo bîyarî ca û şarê ma hîsgêr bo.''

Seba ke çalakîye de pankartan de nuşteyê sey 'Îmrali, tecrîd û grevê vêşanîye' estê polîsan hêrişê şarî kerd. Polîsan pankarte girewte û dirna. Badê hêrişî HDPyîjî şîyî banê partîye. Polîsanê ke dekewtiş û vejîyayîşê Kuçeyê Sanatî girewt dima ke biney pawit peyser ancîyayî.