Dima ke Erdoganî Zanîngehê Bogaziçi rê rektoro qeyûm tayîn kerd wendekaran dest pê çalakîyan kerdbi. Çalakîyan de vizêr 24 wendekarî zî ameybî destbendkerdene. Wendekaranê Bogaziçi seba ke paştî bidê embazanê xo waşt ke verê Edlîyeyê Çaglayanî de eşkerayîye bidê. La polîsan destûr nêda eşkerayîye û hêrişê wendekaran kerd. Hêriş de tewr tay 50 wendekarî ameyî destbendkerdene. Polîsan pê zorî kerd ke rojnamegerî dîmenanê hêrişî pakî bikerê.

Qeymeqamîya Kagithane zî pêro aktîvîte û çalakîyî qedexe kerdî. Polîsan bira qedexeyî ra dima dorme de pêro kafe û restaurantî kerdî veng.

Wendekarî binê ablûqaya polîsan de verê Edlîyeyî de pawitişê xo rê dewam kenê.