Almanya ra heyetêk vera şerî semedê paştdayîşê şarê Kurdî waşt ke şiro bajarê Hewlerî yê Başûrê Kurdîstanî la polîsanê almanî destûrê ci nêda.

Heyetê Haştîye ke waşt meydanê teyarayan ê bajarê Dusseldorfî yê Almanya ra şiro Hewlêr hetê polîsanê almanî ra verê ci ame girewtene û 27 kesî ameyî destbendkerdene. Kesê ke ameyî destbendkerdene yew bi yew îfadeyê înan yeno girewtene. 7 kesan rê qedexeyê teberê welatî ame dayene.

Heyetê Haştîye waştêne şiro Başûrê Kurdîstanî paştî bido şarê kurdî û tay temasan bikero. Mîyanê heyetê de wekîlê almanî zî estê.

Parlementerê Die Linke (Partîya Çepe) Hakan Taşo ke meydanê teyarayan ê Hewlêrî de ame war o zî ame destbendkerdene.