Wexto ke ciwanan waşt ke bi rayraşîyayîşêkî Şorişê Rojawanî fîraz bikerê faşîstanê tirkan polîsê almanî provake kerdî. Wexto ke ciwanêkî vera ney nêrazîbîyayîşê xo mojna, ci rê îşkence ame kerdene.
Widerstand Komîte paytextê Almanya Berlin de waşt ke serrgêra 10. ya Şorişê Rojawanî bi rayraşîyayîşêkî fîraz bikera.
Ciwanê enternasyonalîstî saete 19.30 de Îstasyonê Humboldhainî de kom bîyî û înan Şorişê Rojawanî selam kerd. Eşkerayîyan ra dima ame parekerdene ke Şorişê Rojawanî seba şaranê Rojhelatê Mîyanênî û dinya bîyo hêvî û alternatîfê sîstemê kapîtalîstî.
Çalakîye de hêrişê îşxalkerî yê vera Rojawanî ameyî protestokerdene.
Wextê rayraşîyayîşî de faşîstan û polîsan provakasyon kerd. Polîsanê Almanya faşîzmê tirkan pawit. Wexto ke ciwanêkî vera ney nêrazîbîyayîşê xo mojna, ci rê îşkence ame kerdene.
Ciwanan wextê rayraşîyayîşî de sloganî berz kerdî û rayraşîyayîş bi sloganan qedîya.
