Menga verêne de Weqfa Baran Tursunî raporêk weşanabi. Goreyê raporî 13 serran de 92ê ci tûtî, 70ê ci cinîyî bi temamî 404 sivîlî hetê polîsanê tirkan ra kişîyayî. Rapor de raporê serebutanê şeran ê bi çekdaran ca nêgênê.

Polîsî nê kiştişî sey 'wezîfeyê qanûnî' pênase kenê. Tay sivîlê ke hetê polîsan ra kişîyayî û rapor de cagirewt wina yê:

-Ugur Kurt, Îstanbul, 26.05.214: Cemxaneyê Okmeydaniyî de wexto ke pabeyê cenaza bi kişîya. Polîsê kiştoxî rê cezaya pereyî dîyaye.

-Baran Tursun, Îzmîr, 25.11.2017: Baran wexto şayîya rojbîyayîşî ra agêrayêne polîsan guleyî raşayî ey ser. Polîsê kiştoxî îdîa kerd ke ey qestî ra Baran nêkişto, goreyê qanûnî têgêrayo. Polîsî rê cezaya zîndanî ya 2 serran dîyaye.

-Dîleke Dogan, Îstanbul, 25.10.2015: Taxa Armutluyî ya Îstanbulî de wexto ke polîsan eşt keyeyê înan ser pê çeke Dîleke kişte. Polîsî îdîa kerd ke ey wezîfeyê dewlete ard ca û ci rê cezaya zîndanî ya 6 serran û 3 mengan dîyaye.

-Kemal Kurkut, Amed, 21.03.2017: Şayîya Newroze de hetê polîsan ra verê çiman de kişîya. Dewaya serebûtî hema zî dewam kena.

Rapor de dîya zanayene ke 28 kesî zî wextê nezaretî de 'xo kişt.' La nê qereqolan de kamerayêke ya çinbibî yan zî qeyd nêkerdo.