Taxa Yenîmahalle ya Sêrtî de polîsanê tirkan ciwan Welat Înano ke karî ra dima pa embazanê xo agêrayêne keyeyî, tepişt.

4 polîsan verî ke Înanî de dîyalog bikerê mîyanê kuçeyî de hêrişê ci kerd, ci rê îşkence kerd. Hemwelatîyan waşt mudaxeleyê polîsan bikerê la polîsan da şarî ro zî.

Şîdetî ra dima Înan hetê polîsanê bînan ra ame berdene bi Nêweşxaneyê Cigêrayîş û Perwerdeyî yê Sêrtî.

Goreyê agahîyanê ke hetê keyeyê Înanî ra ameyê dayene, pirnik, çok û engiştê Înanî şikîyayê û ey raporê derbe girewto.