Qedexeyê weçînayîşî û serbestîya propanganda yê weçînayîşê cayîyan ê ke  Dezgehê Weçînitişê Berzî (YSK) seba 31’ê Adare roja Yewşeme 2019’î bewlî kerdê ewro dest pêkerdî.

Goreyê sernameyê weçînayîşê YSK’yî, serbestîya propanganda û beşêk qedexeyî 30’ê Adare roja Şeme, saete 18.00 de do biqedîyê.

Partîyê sîyasî û parlamenterê xoser ê ke beşdarê weçînayîşî bîyê, heta qedîyayîşê propagadaya weçînayîşî eşkenê serê çapemenîya nuştekîye ra do reklaman, îlanan bidê, yan zî eşkenê keyepelê înternetî akerê û  keyepelî ser o fekkî, nuştekî û dîmenkî propaganda bikerê.Heta weçînayîşî, rayîranê pêroyan ser o, bananê rayapêroyîn de û îbadetgeh, tesîs û  wareyê ke dezgehê weçînayîşî yê qezaye musnayî ra teber tewr cayêk de propagandakerdiş do qedexe bibo.