Qers de ewro saetanê sibayî de hemverê sîyasetmedaranê kurdî de operasyonê qirkerdişê sîyasî ame viraştene. Çarçiweya operasyonî de polîsan eşt xeylî keyeyan ser û xeylî kesî girewtî binçim.

Ê KE AMEYÎ BINÇIMKERDENE

Nameyê yê ke ameyî bimçimkerdene wina yo: Parlamenterê dewrê 25. ê HDPyî Şafak Ozcanli, Hemserekê Partîya Heremanê Demokratîke yê (DBP) bajarî  Cengîz Anli, Hemserekê  HDPyî yê bajarî  Erkrem Savci, Hemsereko veren ê HDPyî yê bajarî Cengîz Topbaşli, şêwirmendê Wekîlê Serekî yê Grûba HDPyî Ayhan Bîlgenî, Hayatî Metmetoglu.

BÎLGEN: KAMPANYA AMEYA DESTPÊKERDENE!

Wekîlê Serekî yê Grûba HDPyî Ayhan Bîlgenî hesabê xo yê twîtter ser a vera operasyonî reaksîon ramot û va: ‘‘Kampanyaya weçînitişî ameya destpêkerdene.‘‘