Qeyûmê xespkarî yê qezaya Yenîşehîrî yê Amedî de taxa Dokuzçelîkî rote. Taxe de bînaya şaredarîye û Forum AVM zî tede xeylêk ban û dikanî est ê ke erazîyê taxe 49 hezar û 878,72 metrekare yo. Taxe bi bedelê 174 mîyon û 575 hezar û 520 lîra ameye rotene.

Verê cû zî qeyûmî xîret kerdbi ke taxe biroşo la rêxistinanê komelê sivîlî û wayîranê erseyan vera rotişî nêrazîbîyayîşê xo mojnabi coka îhale amebî betalkerdene.

Hetê bînî ra dîya zanayene ke seba îhale teyna Mehmet Şîrîn Kiliçî teklîf dayo. Goreyê TMMOByî bedelê taxe teyna seba yew parselî 350 mîlyon lîra yo. TMMOByî pare kerd ke ê do vera bêusûlîya îhale têbigêrê û muracatê huqûqî bikerê.