22 ganê ke cayê ke elewîyî tede ciwîyene taxa Gazî û Umranîye de 25 serrî vere cu bi destê dewlete ameyî qetilkerdene ameyî yadkerdene.

Vîradişo ke taxa Gazî de ame kerdene merdimê şehîdanê Gazî, xeylêk sîyasetmedarî, temsîlkarê dezgehanê elewîyan û bi seyan kesî tewrê ci bîyî. Polîsan taxe bi TOMAyan girewte binê ablûqa. Kesê ke ameyî pêser pê fotografanê şehîdanê Gazî û Umraniye ver bi Goristanê Gazî ray ra şîyî û sloganê sey ''dewleta qetilkar do hesab bido'' û ''pêrodayîşê ma do mehşerî rê memano'' eştî. Reyna bi sloganan Berkin Elvan ame vîrardene û paştî dîyaye Grup Yorumî.

Dima ra  eşkerayîyêke ameye dayene. Eşkerayîye de ame vîrardene ke qetilkarê ke eşkerayî hetê dewlete ra ameyî pawitene û nêameyî cezakerdene û ame vatene ma xo vîr ra nêkerd û ma  do medê vîrrakerdene.

Badê eşkerayîye cayê qetilkerdişê 17 kesan de vilîkî ameyî ronayene. Goristan de semedê şehîdan rêz ame girewtene. Dayîkanê ke serê goran de hesire kerdî war kurmanckî û zazakî lawikî eştê herkerdoxanê ser.