Rêxistina HDPyî ya Îzmîrî bi dowîzanê 'Qirkerdişê Zaxoyî sûcê vera merdimîye yo' Merkezê Kulturî yê Turkane Saylan ê Alsancakî de rêzila merdiman awan kerd û vera Qirkerdişê Zaxoyî nêrazîbîyayîşê xo mojna. Rêxistina HDPyî derheqê qirkerdişî de eşkerayîyêke daye.

Hemsereka HDPyî ya Îzmîrî Berna Çelîk eşkerayîya çapemenîye wende. Berna Çelîk îfade kerd ke çîyo ke Zaxo de bîyo, Roboskî, Şingal û Rojawanê Kurdîstanî de zî qewimîyayo û vat: ''Ma sey HDPyî do vera qirkerdişan bêveng nêmanê. Bedelo tewr pîl ê şerî hetê cinî û domanan ra yeno dayene. Coka ma tim vera polîtîkayanê şerî yê hukmatî tim nêrazîbîyayîşê xo mojna û ma do bimojnê. Kesê ke binê nameyê 'asayîşî' de bira operasyonê teberî danê, mesuldarê nê qirkerdişî yê.''

Çelîke venga pêro terefgîranê demokrasî, têdûştî û azadîye da ke vera sîyasetê şerî haştîyêka rûmetêne biwazê.